X Xornada de Clubs de Lectura de Galicia

X Xornada de Clubs de Lectura de Galicia

Participaron 5 alumnos e 1 profesora. A viaxe foi compartida con alumnos e profesores do IES de Quiroga e do IES Río Cabe (Monforte).

A experiencia foi moi gratificante posto que ós rapaces encantáronlles o obradoiras nos que participaron: Improvisación oral 'regueifa' e Radio somerxida. O concerto fianl de  Xabier Díaz e as Adufeiras de Salitre foi excepcional.

Roteiro Literario

Roteiro Literario

Partindo da lectura que se fixo no Club de Lectura de A Boca do Monte (grupo de 2º ciclo da ESO), realizouse un roteiro literario en compaña da autora e de Moncho Vila (técnico de Cultura do Concello de Quiroga) grazas ó cal se visitaron lugares vinculados á novela e se comentaron cuestións relacionadas coa vida dos pobos prerromanos que habitaban na zona de Quiroga e Valdeorras, así como as distintas técnicas empregadas polos romanos para a extracción de ouro.

-Alto de Aldriz e miradoiro do Castro de Ares (Concello de Quiroga).

-Ponte Romana de Barxa de Lor (Concello da Pobra do Brollón).

-Minas de Margaride (Parroquia de Quintá de Lor - Concello de Quiroga).

-A Boca do Monte (Montefurado - Concello de Quiroga).

-As Médulas (Ponferrada).

A boca do monte

3º e 4º ESO:

A boca do monte

Celia Díaz Núñez

Hai xestas que parecen imposibles de facer. Pero fanse.

E hai épocas pensadas para ese tipo de momentos heroicos. Nesta novela, a autora repasa un momento da nosa historia que é moito máis ca a construción dun túnel ou o furado brutal dunha montaña brutal. Sobre todo, é unha historia sobre a nosa historia, sobre os nosos devanceiros que foron esmagados por un imperio, o romano, ao que pouco lle importaban as xentes de Galicia máis que como man de obra á que escravizar. Pero malia a situación, sempre hai quen se rebela, sempre hai quen pelexa pola súa liberdade. Unha viaxe pola Galicia de hai moitos séculos. Pero tamén pola Roma imperial e grande que, tamen, puxo as súas gadoupas na nosa terra.

Vento ferido

1º e 2º ESO

Vento ferido

 Carlos Casares

 O libro que marca a incorporación de Carlos Casares á literatura galega.

Unha ducia de relatos curtos forman Vento ferido, o libro que deu a coñecer a Carlos Casares en 1967 no entón nacente panorama literario galego. Nesta primeira obra, o autor toca xa algúns dos temas que serán fundamentais na súa traxectoria: a memoria, a desesperanza e a violencia.

É esta última a que destaca nos descarnados contos de Vento ferido, de apenas cinco ou seis páxinas: a violencia como rito de tránsito entre a infancia e a idade adulta; a vinganza e a reafirmación ruda da masculinidade; ou o axuste de contas persoal e político.

Alternando o monólogo interior coa narración en terceira persoa, Casares retrata personaxes desesperados, vellos que agardan unha visita que os saque da monotonía, cegos, enfermos e vítimas de amores imposibles, cunha linguaxe seca e apegada á oralidade.

O único que queda é o amor

Adultos:

O único que queda é o amor

Agustín Fernández Paz (Autor/a)
Pablo Auladell (Ilustrador/a)

Premio Xosé Neira Vilas ao Libro Infantil e Xuvenil do ano 2007 - Premio Asociación de Escritores en Lingua Galega (Infantil-Xuvenil), 2007 - 5ª Edición Premio Literario Frei Martín Sarmiento (3º ESO a Bacharelato) - Premio Nacional de Literatura Infantil e Xuvenil 2008 - Lista de Honra do IBBY, 2010

Hai unha trama de fíos invisibles que une as vidas dos personaxes deste novo libro de relatos de Agustín Fernández Paz, ilustrado por Pablo Auladell: Diana, Sara, Pablo, Laura, Adrián… todos se namoran e descobren que o amor é un sentimento poderosísimo, capaz de transformalos por enteiro e facerlles ver a vida doutro xeito. Mais tamén experimentan a amargura do desamor, ou da ausencia, ou dos amores rotos. O amor en todas as súas variantes: desde o primeiro amor adolescente ata o que se mantén máis alá da morte. Aínda sabendo isto, as persoas sempre buscamos na nosa vida ese sentimento tan necesario como o aire que respiramos, quizais porque intuímos que, como escribe Orhan Pamuk en Neve, “na vida o único que queda é o amor”. E sempre, os libros como compañeiros da aventura do amar. Un libro memorable.

O inferno de Marta

3º e 4º ESO:

O inferno de Marta

Pasqual Alapont (Autor/a)
Ignacio Chao (Tradutor/a)

Cando aceptou saír con aquel mozo, Marta non sabía que poñía un pé no inferno, e que a partir de entón sería tan doloroso penetrar como tratar de escapar de alí. Esta novela de Pasqual Alapont, escrita ao xeito dun thriller, con psicópata incluído, pon os pelos de pé. Esta é a historia de Marta, unha moza que se enamorou da persoa equivocada; pero tamén é a historia dunha amizade a proba de bombas que cativa pola súa tenrura. O libro complétase con A máscara do amor, un texto no que o psicólogo e criminalista Vicente Garrido analiza os comportamentos de risco que calquera persoa moza debería ter en conta para evitar caer no inferno do maltrato físico ou psicolóxico. Un libro útil que combina unha novela emocionante chea de suspense e un práctico libro de autoaxuda.

A banda sen futuro

1º e 2º ESO

A banda sen futuro

Marilar Aleixandre (Autor/a)

17ª Edición - Premio Lazarillo de Creación Literaria, 1999 - Premio de Literatura Infantil e Xuvenil Lecturas - Galix, 2001

A banda sen futuro reflicte a historia de Carlota, unha rapaza de dezaseis anos que debe facer amigos no seu instituto novo. Non é doado conseguilo e menos se unha ten o cabelo rapado ó cero e se sente como un ídem á esquerda. Carlota non entende por que os seus pais a obrigan a ir a clase. Só, Poch o cantante morto de Derribos Arias é quen de comprendela e manter longas conversas co ela desde a súa foto, aínda que non sempre lle dá a razón.Nestes meses Carlota descubrirá o amor e o desamor, e intentará pillar o ceo cos pés.