Club de Lectura Os Cigurrios

O pasado   de novembro tivo lugar na biblioteca a presentación dos grupos do club de lectura do curso 2019-2020

Club de Lectura

Adultos

Infamia

Ledicia Costas (Autora)

Emma Cruz é avogada e profesora de Dereito Penal. Trasládase a Merlo para impartir clases na Universidade, sen saber que ese lugar está marcado pola desgraza. A súa chegada coincide co 25 aniversario da desaparición das irmás Giraud, dúas nenas ás que semella que tragou a terra. Emma axiña descubrirá que os habitantes de Merlo gardan segredos inconfesables, algúns deles imposibles de dixerir. Que foi das irmás Giraud? Están mortas? Se é así, quen as asasinou? Onde están agochados os seus corpos?Infamia é un thriller psicolóxico onde nada é o que parece. Unha novela de ritmo vibrante que agarra o lector e o conduce aos sumidoiros da condición humana. Unha historia de amor, odio e loucura. Fiel á súa escrita, Ledicia Costas é quen de explorar o máis recóndito da alma humana ofrecéndonos unha novela poderosa e adictiva.

Club Lectura

4º ESO, F.P. Básica e Bacharelato

O último barco

Domingo Villar

A filla do doutor Andrade vive nunha casa pintada de azul,

nun lugar onde as praias de ondas mansas contrastan co bulir da outra beira. Alí, as mariscadoras pescudan na area, os mariñeiros botan os aparellos á auga e os que van traballar á cidade agardan no peirao a chegada do barco que cruza cada media hora a ría de Vigo. Unha mañá de outono, mentres a costa galega se recupera dos estragos dun temporal, o inspector Caldas recibe a visita dun home alarmado pola ausencia da súa filla, que non se presentou a un xantar coa familia na fin de semana nin acudiu o luns a impartir a súa clase de cerámica na Escola de Artes e Oficios. E, aínda que nada pareza alterado na casa nin na vida de Mónica Andrade, Leo Caldas axiña ha comprobar que na vida, coma no mar, a máis apracible das superficies pode agochar un fondo escuro de correntes devastadoras.

Club Lectura

3º ESO

O grupo

An Alfaya (Autora)

XII Premio Raíña Lupa de Literatura Infantil e Xuvenil 2018

Sentiches discriminación algunha vez polo teu aspecto, a túa orixe ou a túa orientación sexual? Serías quen de desprazarte a diario pola túa cidade nunha cadeira de rodas? Imaxinas ter un pai maltratador? Antón, Runa, Carla, Amina e Nico son adolescentes que viven en primeira persoa algunha destas situacións. Deciden acudir ao Centro Cívico do seu barrio seguindo o consello dos adultos nos que confían. Non se coñecían, mais a carón de Sandra, unha traballadora social que conduce os encontros, as súas voces álzanse de xeito testemuñal amosando a súa vulnerabilidade. Non obstante a coordinadora arrastra feridas pendentes de cicatrizar que a fan dubidar da súa capacidade profesional cando se atopa fronte ao Grupo.Unha novela onde os personaxes se ispen emocionalmente da man de An Alfaya.

Club de Lectura

1º e 2º ESO

O misterio do torque de Burela

Antía Yáñez Rodríguez (Autora)

Son milleiros de rapazas e rapaces os que coñecen

estes catro irmáns e un can especialista en investigar misterios inquedantes. Percorren Galicia vivindo aventuras e descubrindo asasinatos e roubos. Son infalibles. Nesta nova hisoria, demóstrano unha vez máis…

Libros do Club de Lectura
1ª quenda

Club de 1º ciclo da ESO:

O misterio do torque de Burela de Antía Yáñez

Club de 3º ESO:

O grupo de An Alfaya

Club de 4º ESO e FP Básica / Club de Bacharelato:

O último barco de Domingo Villar

Club de adultos: 

Infamia de Ledicia Costas

Comenzan as actividades do Club de Lectura do curso 2019-2020

Libro do Club de adultos: 


Fariña

                                                           de Nacho Carretero

A través de testemuños directos de capos, pilotos de planeadoras, arrepentidos, xuÍces, policías, xornalistas e nais de toxicómanos, Nacho Carretero retrata con minuciosidades esta paisaxe criminal. Fariña inclúe, ademais, un repaso inédito polos clans que seguen operando hoxe en día.

Libros do Club de 1º ciclo da ESO:


Cartas de inverno 
                                                                    de A. Fdez Paz

O  escrior Xabier Louzao volve a Galicia, tras unha longa estancia en Quebec, e encóntrase coas cartas que, durante a súa ausencia, lle foi enviando o seu amigo Adrián, un famoso pintor. Adrían fálalle da súa nova casa na que reside. Pouco a pouco as cartas van adquirindo unha inquiteude, que desemboca nun terror polos estraños acontecementos que suceden na súa mansión.

Libro do Club de 2º ciclo da e FP Básica e do Club de Bacharelato:

Os nenos da varíola ou Los niños de la viruela 

                                                               

 de María Solar

María Solar achégase neste libro a unha das aventuras máis importantes da historia da humanidade, protagonizada por uns nenos que non tiñan idea de facerse heroes. Aínda que o foron. Nos seus corpos, levaron a vacina da variola a América. Sacados dos hospicios da Coruña, Santiago e Madrid, cruzarán o Atlántico formando parte da Expedición do doutor Balmis e na que unha muller fascinante, Isabel Zendal, xogará un papel determinante. a historia comeza en 1803. O heroísmo anónimo de 22 nenos que, grazas a este libro, xa non o serán máis nunca.